Noodle Bar (HK) (Closed)

元朗一向多麵檔，經過見到依間新開既車仔麵檔，本來都冇諗住入黎食，但係見又有車仔麵又有飯食，岩哂我同我朋友完全唔同味蕾嘅既人。6點幾就到餐廳，所以仲係好空曠，冷氣又夠涼，好岩一陣食熱既湯麵。

見到有幾款必食推介，例如豬軟骨，豬手，牛腩等等。叫左豬大腸，蘿蔔配米粉，牛柏葉，牛筋配米線。

豬大腸，蘿蔔配米粉

豬大腸好入味，又唔硬，而蘿蔔非常清甜，正正可以解下豬大腸既膩味。

牛柏葉，牛筋配米粉

本來朋友係飯桶黎既，點知見到車仔麵有咁多款菜可以揀，最後就叫左牛柏葉同埋牛筋配米線。牛柏葉比較清，所以同味道重啲既湯底一齊食就更加惹味，而牛筋非常之黏，好似食到骨膠原味咁。

除左有車仔麵之外，仲有三文治，大碗飯，撈丁等等既其他選擇，岩哂同三五知己一齊黎食。