天下茶屋 (福榮街) (Closed)

最近真係好鍾意食咖喱，無論印度咖喱，日式咖喱，或者港式咖喱，一肚餓就諗起食咖喱今日嚟到一間食日式咖喱嘅餐廳，蒲開深水埗，咩菜式都有，不過舒適乾淨就難搵啲，見呢間天下茶屋裝修不錯又有咖喱食，就坐低試吓菜先，果然冇令我失望！餐廳食物款式多籮籮，有辣有唔辣任君選擇，有飯又有湯烏冬，仲有唔少小食，飲品都好多款式平時心大心細嘅我因為最近好鍾意食咖喱所以叫咗個咖喱吉列豬扒飯，豬扒皮脆肉嫩，日式咖喱比其他餐廳優秀嘅地方就係蘿蔔粒同埋薯仔粒都係大大粒，增添左口感之餘，亦都食到蘿蔔同薯仔本身嘅味道，好味！醬油豬軟骨日式咖喱飯，健康之選，有菜有肉，豬軟骨好淋，雖然配搭咖喱汁但係亦都唔會搶走醬油豬軟骨嘅醬油味，兩碟飯嘅份量都幾大㗎。小食叫咗帆立貝同金菇肥牛卷，帆立貝用不同嘅菇菌煮，不但有好香嘅菇味仲有啲紫菜同木魚係上面，個配搭幾特別。金菇肥牛卷都好香，不過建議可以落返啲燒汁咁就一流啦。另外兩杯飲品都好出色，唔知係咪真係用鮮果肉啦，不過果味好香又唔會太甜，like!