東京街日本料理 (西洋菜南街)

Open Now

Now Closed

係太子睇完金魚，兔仔為食朋友仔話去食日本野，咁我都喜歡食壽司的，就去東京街食。東京街店內好多索女畫像好吸引人🤭，刺身壽司款式都好多，餐牌多款到令人目不暇給，每樣都好精緻咁，搞到人地樣樣都想叫。最後我都係將決定權交比為食友，為食友一口氣落左好多野食。壽司set 真係做得好吸引， 我地呢碟係叫做 極尚火炙壽司定食， 每隻壽司都別出心裁， 鰻魚份量大到嚇親， 帶子卷幾得意， 怪獸三文魚腩夠特別。刺身就必叫三文魚甜蝦油甘魚帶子啦！， 三文魚油脂分布夠平均。炸物方面，叫左天婦羅蝦，有4大件， 煉奶芝士年糕，原來點左煉奶咁好食的，大家下次都可以咁食。食咁多炸物，我要叫返個田園沙律中和返， 沙律醋汁另上，番茄仔超新鮮。最後為食友唔夠喉仲要叫個豬手飯， 但我已經好full 了。