燒魂 (Closed)

今日去咗一間係尖沙咀嘅放題，食物種類都好好多！除咗刺身壽司嗰啲，仲有燒肉，同埋其他煮物、炸物等等。餐廳地理位置好方便，喺金馬倫中心2樓，尖東站行過去或者尖沙咀行過去都好快！ 座位都好闊落。你食放題少不了一定要食大量刺身！三文魚都好肥美，仲有佢嘅原隻甜蝦都好大隻好鮮甜！推介！馬刀貝都好爽口，唔錯～燒物就試咗佢個生魚松葉蟹薯餅同埋炸海老。燒肉佢都有好多款！鍾意食牛嘅朋友可以試吓佢唔同部位嘅肉！喜歡食厚脂肪質感嘅可以揀西柚霜降和牛同黑毛飛霜空降和牛、黑毛和牛牛味就比較重，鍾意食冇咁肥膩，但係又重牛味嘅，可以試下牛裡肌，呢度仲有一個比較清新嘅口味：西柚汁牛裡肌，西柚嘅清新解咗牛肉嘅膩，另外少不了薄切牛舌，燒完都仲好爽口～我自己都幾鍾意佢個燒肉汁～ 除咗牛肉，佢都有豬肉肉同埋雞肉揀！個人特別鍾意佢嘅燒雞翼，生薑味雞翼同埋柚子蜜薑味雞翼都幾清新！推介～鍾意食孜然粉嘅都可以試埋孜然雞翼～另外佢都有唔同嘅湯飯，就連蠔仔粥都有。