緣聚西日餐廳 (仁愛堂圍) (Closed)

屋企人想食放題，所以我地就揀左近近地嘅緣聚食。我地經新墟過去，落左樓梯就見到大大個招牌，大大間舖。入面舖面都真係幾大，一入門口，天花掛滿左酒杯，而且牆身嘅掛飾都幾西式幾靚。雪櫃入面嘅飲品種類好多。隔離有一啲餐前小食，沙律，日式八爪魚呀咁。雪糕櫃仲有好多款雪糕雪條添。第一輪就叫左唔少刺身啦，三文魚、帶子、八爪魚、蝦等等，連拖羅都有。刺身都幾新鮮幾厚，三文魚幾肥美，螺幾夾口。雪燕壽司，個名同個配搭幾特別，但食落雪燕係清淡嘅，有少少口感咁。芝士焗蠔好好食，我地叫左5輪，芝士味未至於好重，但配合個醬就好夾好開胃。個粥唔會好稀，而且都有料喺入面嘅，都唔錯。綿綿冰好難唔好食，不過我覺得好大碟，如果細碟啲會好啲，費事食唔曬浪費左呀嘛。呢個好食，我食左2杯，奶味幾重，又夠滑。冰糖燉雪燕好好飲，我飲左4杯。唔會好甜，好清，飲落仲有啖啖雪燕添，中間粒紅棗係冇味嘅，純粹裝飾。整體黎講幾滿意今晚餐飯。