Home Sister

終於試咗呢間家嫂，價錢有啲貴🌝，所以一直都未試，今日忽然間想打邊爐，見佢有位就上去試下😊，小食同埋炸野都幾有驚喜，蝦多士係真係好好食嘅，其他嘢就不過不失啦，刺身我覺得都新鮮好味嘅，反而個雞煲係有啲失望嘅佢嘅，🥘个雞煲我覺得冇乜味嘅，就唔似倫哥雞煲啊新南苑嗰啲咁惹味囉，🦀🦐海鮮就一般般啦因為好多仲係急凍拎出嚟未解凍嘅，其他網友講好正嘅芝士蛋糕🍰已經冇咗喇，變咗雪糕代替🍨。有啲失望。飲品佢有好多自家製嘅飲品🥤都幾有特色嘅好似有薏米水啊檸檬梳打啊水果茶等都幾足料幾好飲嘅👍
連埋加一約380元一個人，其實有啲貴嘅，不過佢又真係多嘢食嘅🙈。