Video
Read full review
2010-09-04
72 views
是次係第二次黎食dinner buffet 啦, 由於兩次食物選擇都差唔多, 第一次食好興奮, 今次就興奮減半lu~~中西式美食都各有少少, 中菜由蝦餃至薑葱龍蝦, 西菜由caesar salad 至羊架都有得食, 仲有少量日式食品: 4,5 款sashimi同10款左右大眾化壽司. 甜品選擇頗多. 雖然整體選擇唔算多, 但係buffet內樣樣都岩我口味, 我差唔多每一款都食均. 三文魚生唔少得, 但係 sushi 就略嫌醋味太濃, d 飯酸溜溜的. 甜蝦好新鮮, 入口即溶!西菜推介會係牛扒, 好軟熟, 肉汁加上燒汁, juicy 到唔捨得吞. 海鮮冷盤中0既長腳蟹夠新鮮, 唔會係爛溶溶, 但係始終凍食0既海鮮都係無乜鮮味. 頭盤中0既龍蝦芒果沙律正! 酸酸甜甜好開胃呢! 細細杯又方便放係碟上不被其他有汁0既食物沾污中菜中其實連燒味都有, 不過無乜特別. 推介會係湯! 是晚係冬瓜西施骨湯, 唔會太多油, 兩者味道平均分佈, 味道洽當又唔會濟! 另外食左個noodle, 不過麻麻地, 麵夠爽口, 但係湯太清無味啊!甜品.... 我真係差唔多食哂! 好好食呀~~ 但多數甜品味道以朱古力為主
中西式美食都各有少少, 中菜由蝦餃至薑葱龍蝦, 西菜由caesar salad 至羊架都有得食, 仲有少量日式食品: 4,5 款sashimi同10款左右大眾化壽司. 甜品選擇頗多.
雖然整體選擇唔算多, 但係buffet內樣樣都岩我口味, 我差唔多每一款都食均. 三文魚生唔少得, 但係 sushi 就略嫌醋味太濃, d 飯酸溜溜的. 甜蝦好新鮮, 入口即溶!
西菜推介會係牛扒, 好軟熟, 肉汁加上燒汁, juicy 到唔捨得吞. 海鮮冷盤中0既長腳蟹夠新鮮, 唔會係爛溶溶, 但係始終凍食0既海鮮都係無乜鮮味. 頭盤中0既龍蝦芒果沙律正! 酸酸甜甜好開胃呢! 細細杯又方便放係碟上不被其他有汁0既食物沾污
中菜中其實連燒味都有, 不過無乜特別. 推介會係湯! 是晚係冬瓜西施骨湯, 唔會太多油, 兩者味道平均分佈, 味道洽當又唔會濟! 另外食左個noodle, 不過麻麻地, 麵夠爽口, 但係湯太清無味啊!
甜品.... 我真係差唔多食哂! 好好食呀~~ 但多數甜品味道以朱古力為主, 唔好朱古力0既你可能會失望. 有個earl grey chocolate cake, earl grey 味重, 少少苦0既濃茶味配合少少甘0既朱古力, 恰到好處.
減肥計劃又撤底失敗了.....
Post