牛八和牛燒肉屋 Express (The ONE) (Closed)

行過見到平日lunch任飲任食都只係$148，仲要寫住無限時，一個人冇乜野做慢慢食就最啱！不過原來鼻謂號無限時都係會有限時，一點幾入座，三點幾就需要埋單啦！所以都唔係任坐。如果想食海鮮的話就要加多$30，不過$148嗰個其實都有晒豬牛雞，個人認為都好足夠。環境方面都算舒適，有籃可以擺袋。自助bar款或比較少，甜品都係得三款，味道亦麻麻。飲品方面基本上有汽水同茶，另外仲有一部咖啡機。至於肉方面，種類唔算好多，但質素尚可接受。牛類推介牛舌，薄片有牛味，其他牛肉都肥瘦平均，燒落唔會好油。菇類就太少，建議款式多少少選擇會開心啲。