七福神和食亭

Open Now

Now Closed

雖然成條彌敦道望落好似淨係得金鋪，但係只要細心發掘都有唔少值得一試既餐廳－今晚就發現了隱藏係佐敦裕華旁邊六福金鋪樓上的『七福神』。此餐廳前身也是日式餐廳，應該是最近轉手了。『七福神』是在日本信仰中被認為會帶來福氣、財運的七尊神明，希望到來的食客都能得到天神保𧙗。為了配會主題，餐廳內放滿一尊尊可愛的天神小擺設。MENU應有盡有，由壽司卷物、串燒、天婦羅、揚物、應有盡有⋯⋯簡單點可以一路揀一路自己寫ORDER紙，或者等侍應幫你落ORDER又得。事不疑遲，我同老公先點了士多啤梨煙三文魚沙律、雞泡魚乾及燒雞翼各一份作前菜！鋪了鮮紅色士多啤梨，令這碟沙律看起來吸引美味，微酸的果肉跟沙律菜一併吃下更開胃。而雞泡魚乾烤得色澤金黃，乾身得來仍保持柔軟，用來佐酒一流。燒雞翼一份有兩串，每串有兩隻，皮脆肉軟，調味又唔會太濃。緊接當然是主打：壽司。份三文魚腩真係好長，成隻碟咁長！帶子壽司好清甜。最值得一提係海膽手卷，海膽好新鮮無腥味，顏色呈橙黃色，由頭食到落底都係啖啖海膽！推介！有一點要記住：一上枱就要食左先，唔係紫菜好快會腍架。除了平時常見的清酒煮蜆，還有石鍋燒香菜海蜆胡椒湯可以選擇！要試當然要試特別的。