立体派拉麵 (威靈頓街)

Open Now

Now Closed

終於黎試中環嘅立体派拉麵，當然係點最出名嘅特級白湯拉麵，點左大Size，有三塊叉燒、溏心蛋、配搭大量蔥絲同埋筍。先試左一啖拉麵湯底，好濃縮嘅鮮味，鍾意濃味湯底嘅人可以黎試下。個麵無咩特別，最欣賞反而係叉燒，鍾意簿切嘅質感同味道，食落油膩感係零，好啱我口味！個碗睇落超級大，不過都食得哂，湯飲到最後覺得太鹹無飲太多。店鋪入口係威靈頓街，日日香鵝肉飯店對面，有塊「閒人免進」嘅路牌嘅巷仔落樓梯就見到，位置比較低調。星期六中午到訪，人流不多坐得幾舒服，服務員同其他熟客有講有笑，同埋有圍裙提供，態度幾好，有機會想再去試下另一款汁煮厚切叉燒醬油湯拉麵。