華嫂冰室 (Moved) New Location

永遠要排隊但都排得心甘情願嘅華嫂，隔幾個月就會走去食，住市區嘅人專登入去係有點遠，但對有車嘅人講反而係方便，因為有車泊，通常都係早少少去到等開門，頭一兩round就會食到，如果遲咗就變食tea架啦🥺🔸冬蔭功湯 雞翼鮑片麵基本上豬排雞翼乜都食過晒，款款都啱晒食肉獸，啖啖肉又入味。冬陰功湯底都落足料，非常香濃，仲有好多香料渣，而且越食越辣，正！🔹莞茜皮蛋湯 豬潤肉筋米粉係我最愛嘅莞茜湯，其實本身唔係特別好莞茜但勁鍾意食呢個嘅湯，次次黎都嗌，莞茜又多皮蛋又多，茜味極重。豬潤又煮到啱啱好唔太粉，肉筋我第一次試，係連住筋嘅豬肉，彈牙有咬口！🔸招牌鹹牛肉芝士蛋豬仔包半熟蛋冇得輸！就算飽到嘔都要嗌一款呢啲包試下，仲有菠蘿油個啲款都好正，必食！嗌埋杯凍奶茶，正到不行！仲有冰花奶茶又係好好飲，不過飲品另計所以就唔係次次都嗌黎飲～好多人話其他鋪冇元朗鋪咁好食，因為我未試過其他店所以不予置評，但元朗店本身真係好好食，所以我覺得排一陣都係值得嘅！！（但等緊個陣好多蚊，要有心理準備同啲蚊搏鬥）