夜晚同人去咗權發食晚餐，
食咗幾樣嘢，
不過只係影咗少少。
椒鹽瀨尿蝦皇比平時嘅瀨尿蝦大隻近一半，
表面均勻咁沾咗炸蒜蓉同辣汁，
蝦殼易拆蝦身實淨，
食起嚟彈牙惹味。
之後就係白胡椒煮花蛤
第一次食用湯浸嘅方式烹調嘅花蛤，
花蛤肥厚無沙，
同埋加咗大量嘅白胡椒，
辛香得來又能夠突顯鮮甜味，
最底下仲有啲粉絲晌度，
吸滿湯汁同花蛤精華，
唔花巧但又幾出色。
芝士龍蝦伊麵入面嘅龍蝦斬成小件再蘸粉走油至表層微微酥脆，
再用加咗芝士等等嘅醬汁炒勻，
然後就淋晌煮好嘅伊麵之上，
鹹香中又有幾分芝士嘅奶味，
都唔錯。
