浪．居酒屋 (Closed)

難得平日放假，今日做孝順仔帶爸爸出黎銅鑼灣逛逛再撐枱腳食Lunch，爸爸話想食天婦羅，我即刻係Openrice搵下附近有咩餐廳。係Openrice見到呢間新開張嘅Nami 浪居酒屋，午市有多款御膳選擇，經Openrice訂枱仲有8折，當然要去試試。😍Nami 浪居酒屋位於Midtown1樓，係登龍街搭1層扶手電梯就到，非常方便。餐廳樓底高，裝修非常富有日式風格，最吸引係天花嘅燈飾同埋櫻花，我地揀左係其中一張櫻花樹下面嘅枱用餐，順便打下咭。😁餐廳午市御膳款式非常多，爸爸揀左佢想食嘅天婦羅盛盒，我就揀左壽司卷物御膳，御膳包括蒸蛋，沙律菜同湯，非常豐富。👍🏻頂級特選壽司定食 $368呢款壽司定食共有10件壽司加2件卷物，當中最吸引當然係大拖羅同海膽軍艦，大拖羅魚油油香豐腴甘香，入口即溶，海膽非常新鮮，味道鮮甜香濃。其他壽司質素都唔錯，加上餐廳訂座有8折，非常抵食。😍特上天婦羅盛盒定食 $268呢款天婦羅盛盒份量非常多，除左有兩隻特大天婦羅蝦之外，仲有大帶子天婦羅，炸漿薄而脆，海鮮熟度剛剛好，入口外脆內爽嫩，非常高質。👍🏻新張期間Openrice訂枱午市套餐有8折，性價比唔錯。👍🏻