翠華餐廳 (Closed)

下午放假，一個人去咗黃埔翠華食午飯。食晏時間唔爆場，但係樓面都唔算多。入去當然無人招呼啦，自己隨便搵個位坐低。張枱無餐牌嘅，自己起身行過兩張枱拎。今日食嘅係翠華豬軟骨炒飯，賣相普普通通，味道都唔錯嘅，豬軟骨幾淋有膠質，碎椰菜都幾爽口，小小辣，幾惹味。對面枱係一行10人扮工室人士食lunch，其中一位哥哥跟餐+$4轉凍西洋菜蜜，但係黎咗杯凍檸茶。佢即刻問個waiter係咪黎錯咗。Waiter：「呢杯係菜蜜，你試吓先。」成枱人O晒咀，問：「菜蜜有檸檬？」Waiter :「有架！你飲吓先講」事主飲咗啖，証實係100%檸茶。其實換過杯咪得囉，好小事啫，洗乜死撐？