鳴橋燒肉料理 (Closed)

行完街朋友想食放題食，就行到油麻地橫街！見到有一間日本野放題，裝潢燈光柔和，好適合邊食邊傾計！入到去見到每檯個烤爐上面，都有一張牛油紙，非常細心，岩曬怕油怕肥膩既我！放題都多款式，仲有海鮮選擇！開頭先點飲熱飲，叫夠兩杯就會一壺上，唔使之後逐杯叫！有柚子蜜茶，柚子味重唔會太甜！放題唔係間間有海鮮，咁就緊係點我喜歡食既帶子同蠔，肥美冇雪藏味！我覺得好食既蟹籽沙律，芝麻醬份量剛好，蟹柳、蟹柳份量都平均，唔會只係瓜絲多！炸物唔會太硬！牛肉、豬肉、雞肉，肉質嫩、片身較薄！特別黑椒牛肉片，醃味夠！服務員非常細心，定時留意爐上牛油紙需否更換！刺身帆立貝、三文魚新鮮無雪藏味，厚度剛好！另外幾特別係我點左一口烏冬，其他地方一定黎一碗，食完就飽，但呢個的確係一口，真係可以款款都食到！最後就算食埋甜品都太膩，滿足的一晚！