Video
Read full review
2009-01-04
159 views
我哋同事一行十多人心思思想食Buffet (其實係咩嘢都想食), 聽講赤臘角機場嘅天際萬豪酒店新開張, 入面嘅Skycity Bistro仲優待機場員工有半價嘅折扣 (正價加一後計算), 仲唔即刻飛身去試吓, 真係對唔住自己啦!!!其實位置都幾僻同幾遠, 係機場博覽館隔離。大家可以係機場客運大樓轉機鐵到博覽館站落車 (車費: $5.0) , 亦可以係東涌地鐵站撘S1經博覽館站落車, 或者撘E車(總站係機場博覽館), 行五分鐘就到。不過講到食, 就算有幾難、幾凍、幾遠都要去…… 一入到大堂門口, (有 bell boy) 環境都唔錯, 食Buffet嘅Skycity Bistro幾靚, 幾清靜。食物方面都算豐富。除咗一般魚生刺身種類外(魚生／壽司:三文魚, 赤貝.吞拿魚 ,立魚, 八爪魚), 冷盤方面有大家都認為翻本王嘅生蠔, 非常鮮甜爽口, 龍蝦新鮮多膏(Three-sixty same size $98 each), 翡翠螺大隻爽甜, 長腳蟹雖然好味, 不過酒店未有提供鉸剪, 所以食起上唻有啲唔方便。至於蟶子就食到成口沙, 少吃為妙, 凍蝦同青口都係普通貨色。熱盤方面選擇唔算太多,
其實位置都幾僻同幾遠, 係機場博覽館隔離。大家可以係機場客運大樓轉機鐵到博覽館站落車 (車費: $5.0) , 亦可以係東涌地鐵站撘S1經博覽館站落車, 或者撘E車(總站係機場博覽館), 行五分鐘就到。不過講到食, 就算有幾難、幾凍、幾遠都要去…… 一入到大堂門口, (有 bell boy) 環境都唔錯, 食Buffet嘅Skycity Bistro幾靚, 幾清靜。
食物方面都算豐富。除咗一般魚生刺身種類外(魚生／壽司:三文魚, 赤貝.吞拿魚 ,立魚, 八爪魚), 冷盤方面有大家都認為翻本王嘅生蠔, 非常鮮甜爽口, 龍蝦新鮮多膏(Three-sixty same size $98 each), 翡翠螺大隻爽甜, 長腳蟹雖然好味, 不過酒店未有提供鉸剪, 所以食起上唻有啲唔方便。至於蟶子就食到成口沙, 少吃為妙, 凍蝦同青口都係普通貨色。
熱盤方面選擇唔算太多, 牛柳好味, 西蘭花蝦仁色香味俱全, 印度咖哩烤餅OK啦! 半熟酥皮牛肉片多汁, 仲有燒味、點心、湯粉麵同一般熟食, 睇到都飽晒!
沙律吧幾好, 湯就只得牛尾湯, 仲有麵包同多種芝士。甜品方面選擇亦唔算太多, 藍莓芝士餅最好味, 其他就一般。朱古力噴泉、迷你梳乎里、雪糕(芒果果個幾好食 , GREENTEA - NO!) 都係例牌嘢, 冇咩特別。
其實如果有埋炸天婦羅、燒物, 加多兩款湯, 甜品加多兩個中式糖水就最好不過。服務態度方面不太殷勤, 有待改進, 會唔會係比金融海嘯啲浪沖到傻咗呀! 不過又好難怪佢哋, 去到咁遠返工, 又咁夜先收工 (Buffet 10:30PM先完), 反應係遲鈍啲。
總括唻講都算幾好, 都只係因為我哋機場員工有半價咋, 拆實咗只係$202.80 (Dinner), 抵食!!!
Post
