越蘆越南牛肉粉 (Closed)

又黎越蘆啦！上次淨係食咗麵，今次要嗌d小食食下！ 越蘆小食拼盤 $148越蘆嘅小食拼盤外貌好吸睛，竹籃上面有蔬菜墊底，跟住裝滿春卷、胡椒豬肉串、蝦卷、扎肉，成個拼盤好Full，好滿足！ 香芒軟殼蟹米紙卷 $68呢款小食又係賣相好靚！軟薄嘅米紙卷住脆卜卜嘅軟殼蟹，外軟內脆，口感好豐富，蘸埋跟配嘅醬汁，唔~好味 串燒雞撈檬 午市$62第一次食撈檬！我覺得我真係孤陋寡聞，見識少，以前成日食湯粉麵飯，宜家先知道撈檬咁正，同食湯粉嘅感覺係完全唔同嘅，撈檬嘅汁酸酸地，好開胃，而且好多配料，成個感覺好fresh，如果胃口唔好的時候，我建議可以揀撈檬！