Video
Read full review
2022-08-22
155 views
今日過黎新蒲崗呢邊食晚餐，行行下見到老字號陳儀興，附近都有幾間，不過呢間係主打火鍋小菜，一於試試！環境唔逼，正常舊式啲嘅中餐館！衛生都可以。首先我地嗌左poster推廣嘅《花雕醉雞煲》$148，同埋加左份《安格斯手切牛肉》（細) $48。雞同湯係分開上，個湯底超香花雕味，真係好似食緊冷盤嘅醉雞😍仲有好多藥材係入面，有微微嘅藥材味。湯滾左就放雞件落去 滾一陣雞件就索晒醉雞湯嘅味，正！之後叫左啲邊爐配料，包括一開始叫嘅牛肉，口感幾淋重牛味，唔錯！另外嗌左芝士墨魚丸，我諗係佢地手打，裡面都幾多芝士！ 除左邊爐我地都想試吓小菜。估唔到佢哋嘅小菜都幾出色。《椒鹽雞軟骨》$88炸得好香脆，皮好薄，無雪味！越食越停唔到。《潮式墨魚餅》$108本身以為係煎點知出到嚟係炸嘅墨魚餅，口感勁脆卜卜，但係feel到好熱氣，受唔到熱氣嘅人就建議唔好嗌，入面嘅墨魚膠好彈牙，同埋仲有芹菜粒，整體都幾好味。《水煮雙牛》$98呢個真係超抵食，皆因佢勁大兜！除咗兩款有嘅份量都好多之外，仲有勁多配料，入面有薯粉朔左麻辣汁之後好過癮，不過辣度都幾辣，但真係好好味。 總括嚟講，對於呢餐真係好滿意，小菜同埋火鍋都做得好，不
環境唔逼，正常舊式啲嘅中餐館！衛生都可以。
首先我地嗌左poster推廣嘅《花雕醉雞煲》$148，同埋加左份《安格斯手切牛肉》（細) $48。雞同湯係分開上，個湯底超香花雕味，真係好似食緊冷盤嘅醉雞😍仲有好多藥材係入面，有微微嘅藥材味。湯滾左就放雞件落去 滾一陣雞件就索晒醉雞湯嘅味，正！
之後叫左啲邊爐配料，包括一開始叫嘅牛肉，口感幾淋重牛味，唔錯！另外嗌左芝士墨魚丸，我諗係佢地手打，裡面都幾多芝士！
除左邊爐我地都想試吓小菜。估唔到佢哋嘅小菜都幾出色。
《椒鹽雞軟骨》$88
炸得好香脆，皮好薄，無雪味！越食越停唔到。
《潮式墨魚餅》$108
本身以為係煎點知出到嚟係炸嘅墨魚餅，口感勁脆卜卜，但係feel到好熱氣，受唔到熱氣嘅人就建議唔好嗌，入面嘅墨魚膠好彈牙，同埋仲有芹菜粒，整體都幾好味。
《水煮雙牛》$98
呢個真係超抵食，皆因佢勁大兜！除咗兩款有嘅份量都好多之外，仲有勁多配料，入面有薯粉朔左麻辣汁之後好過癮，不過辣度都幾辣，但真係好好味。
總括嚟講，對於呢餐真係好滿意，小菜同埋火鍋都做得好，不過個人更鍾意小菜類。
Post
