Video
Read full review
2017-10-27
174 views
終於係觀塘唔係食西餐同中餐, 而係食韓國野喇!!!! 今次呢間係朋友食過話幾抵食既韓國餐廳, 係開源道既工廈, 其實就係B出口一直走大約4分鐘就會揾到, 建議大家去搭客lift 會比搭貨lift更易揾到, 因為一出就會見到佢個招牌~~ 八點左右黎到大約7成滿, 都唔少大班人黎食, 呢到既裝潢好有韓國打伏果啲電影感覺XDD幾有型同搞笑, 好似去左軍事基地食野咁lol揀左角落坐, 因為中意自成一角慢慢傾計~ 石窩豆腐沙律 $58石窩飯就成日食, 石窩沙律就好少試XD其實只係用左石窩上, 但感覺唔同左XD 沙律菜唔少, 但原來豆腐勁大磚成磚係入面, 冷涷咁食加埋本身豆腐超滑身, 好好食!!! 配埋蕃茄等配料都夠新鮮, 重點係個醬, 唔係普通沙律醬, 食落勁重芝士味, 似車打芝士味既美奶滋! 推介!! 韓牛嫰豆腐鍋 $118無錯又係豆腐, 因為叫果陣唔知沙律個豆腐都咁大份, 店員話呢個扺食,所以就揀了~ 黎到都估唔到原來咁大鍋!!! 店員比個gas爐比我地滾熟D野食, 呢個鍋其實幾健康, 因為除左肥牛之外其他都係蔬菜,有大量娃娃菜、金菇、粟米、蘿蔔絲, 仲有比沙律更大磚既豆腐, 豆腐一樣係咁嫰
八點左右黎到大約7成滿, 都唔少大班人黎食, 呢到既裝潢好有韓國打伏果啲電影感覺XDD幾有型同搞笑, 好似去左軍事基地食野咁lol
揀左角落坐, 因為中意自成一角慢慢傾計~
石窩豆腐沙律 $58
石窩飯就成日食, 石窩沙律就好少試XD其實只係用左石窩上, 但感覺唔同左XD 沙律菜唔少, 但原來豆腐勁大磚成磚係入面, 冷涷咁食加埋本身豆腐超滑身, 好好食!!!
配埋蕃茄等配料都夠新鮮, 重點係個醬, 唔係普通沙律醬, 食落勁重芝士味, 似車打芝士味既美奶滋! 推介!!
韓牛嫰豆腐鍋 $118
無錯又係豆腐, 因為叫果陣唔知沙律個豆腐都咁大份, 店員話呢個扺食,所以就揀了~
黎到都估唔到原來咁大鍋!!! 店員比個gas爐比我地滾熟D野食, 呢個鍋其實幾健康, 因為除左肥牛之外其他都係蔬菜,有大量娃娃菜、金菇、粟米、蘿蔔絲, 仲有比沙律更大磚既豆腐, 豆腐一樣係咁嫰滑, 不過呢個熱食同埋切左件, 肥牛份量亦係相當多, 食呢個都飽……
自家製芝士流心蛋捲 $46
蛋捲相當厚身, 落左單唔洗十分鐘就有, 都幾快手~ 面唧左沙律醬, 外表吸引, 但最令我期待係入面既芝士流心~~~
一切開, 可能因為涷左少少,唔算太流心, 芝士比較快冷郤, 但芝士份量郤係相當慷慨呢!!!!相比下蛋本身較淡味, 但芝士既咸香郤十足呢!!所以兩者夾埋食就好夠味, 呢個價錢係抵食!!! 下次試埋明太子味先!!
芝士炸雞 半份$108
其實本身病完無耐… 但見到炸雞有得叫半份, 同埋朋友講過呢到炸雞好食, 食左先講, 嘻嘻!!
半份炸雞揀左無骨岩哂我咁懶, 半件size都OK, 芝士係芝士粉加整塊芝士熱溶左, 每件雞都沾左芝士, 芝士控好開心!!! 主角炸雞無令我失望, 炸皮厚薄適中夠脆身, 炸得香脆得黎難得唔油, 肉夠juicy多汁, 確係有驚喜!!! 配埋沙律菜中和下, 扺食又有水準喎!
Post
