野玩田店 (Moved) New Location

今次朋友由揀左呢間西餐食，整體黎講係用次幾滿足既體驗，主要因為食物方面無論係擺盤、味道水準真係幾高，冇令人失望我諗其中一個原因係啲菜式設計都幾有心思，用料同配搭都俾人清新又健康既感覺，自然覺得樣樣都想食先講環境，場內都幾大，我地平日去都坐滿人，枱面、坐位都夠大，走廊位都夠闊落，整體環境都舒適唯一問題係，唔知係咪因為人多，所以都真係幾嘈，如果介意既人要有心理準備（人多嘈其實都唔關餐廳時，最緊要野食性價比高﹗）好﹗到食物方面：（我地四個女仔一共叫左3樣菜，原本叫四樣，但個魚賣晒好sad個魚睇落超好味﹗（加上諗住留肚食甜品））1.墨西哥雞肉餡餅：（如圖，大家見到有3款醬可以點，紅色偏酸帶辣，白色係淡味啲芝士，最後當然係經調味既牛油果醬，3款醬都好好味，加埋入面既雞肉，食落超幸福）2.芝士蘑菇釀雞翼：（每隻雞翼都脹卜卜，真係超級邪惡，一啖有幾種滋味，濃郁既芝士加蘑菇簡直絕配，係每人得一隻有少許可惜）3.日式帶子海膽汁意大利飯：（飯既份量其實都OK多，而且仲有南瓜粒、口感更豐富，朋友大選帶子鮮味，醬汁方面，完全唔咸，一入口就好易食到海膽味，仲有最緊要係意大利飯加埋醬汁效果開胃，完全唔漏仲想再食，