芝樂坊餐廳

以為熱潮已過，所以係星期六下午6時30分到餐廳，但係門外已經有很多人，我快速咁拿了籌後(一個電子板)， 結果等了一個半小時才能進入餐廳。我地一行3人點了一個前菜、 一個主菜和兩件cheesecake。  waiter 好細心咁問我哋要唔要餐包，原來餐包係有兩種口味，一種係普通嘅硬包， 一種係黑糖包。 普通法包味道一般，而黑糖包味道不錯，我們決定再encore一次，今次只要黑糖包。前菜很快就來了，炸芝士通心粉球睇落細細件，以為好少，但食完一件都好飽肚。作為芝士控嘅我，覺得十分美味。呢道前菜係一樣好邪惡嘅食品，值得一試。另外，我們點了一碟烤蒜雞肉蝴蝶粉，3個人吃啱啱好，味道都唔錯，好creamy，而蝴蝶粉都唔會太淋。最後，我們點了兩件cheesecake， 一件係原創芝士蛋糕，芝士味好濃，帶點點酸，好正宗，配埋cream一齊食好正。另一件喺godiva 朱古力芝士蛋糕，朱古力味好濃，但就有點蓋過芝士嘅味道，如果第一次食，可以先點原創cheesecake試下 。整體來說，食物嘅味道唔錯 ，份量都好多，較適合大夥人一起享用。但環境就比較嘈，可能因為有好多人特登嚟呢間餐廳慶祝生日。備註： 來慶祝