爸B燒

Open Now

Now Closed

前幾日我哋去咗尖沙咀嘅爸B燒食串燒，員工服務親切，令整體感覺舒服。🥢牛柳串牛柳燒得啱啱好，外層有少少焦香，內裏仲保留咗嫩滑嘅口感，價錢平，性價比高。🥢鹽燒厚切牛舌牛舌厚薄適中，鹽味恰到好處，燒得香脆但唔會過乾，係當晚嘅亮點之一。🥢安格斯牛仔骨 牛仔骨肉質鮮嫩，醃料滲入味道，配埋微焦嘅邊邊，令人一啖接一啖。🥢安格斯牛小排叫咗全熟，但都唔會好乾，配埋輕微燒焦嘅香氣，肉類愛好者一定要試。🥢炭燒豬頸肉豬頸肉肥瘦均勻，口感爽滑，帶有煙燻味，非常正！🥢煙肉荔枝卷 第一次見，煙肉包住荔枝鹹香中帶有荔枝嘅清甜，幾有驚喜。🥢煙肉蠔卷煙肉包住juicy有海水味嘅蠔仔，味道同口感都好豐富。🥢蒜蓉牛油炒什菜炒什菜味道清新健康，蒜蓉牛油調味適中，平衡咗成餐嘅肉味。🥢照燒白鱔 白鱔鮮嫩，冇咩細骨啖啖肉。🥢辣汁炒魷魚魷魚非常彈牙，辣汁有啲微辣又唔會太辣，幾啱鍾意重口味嘅朋友。