新開值得期待的泰菜💕💕
今次男友帶左我黎呢間新開既餐廳話要試泰菜
事關兩個都係泰菜愛好既吃貨因為新開張唔太多人識 所以晚市都未算多人
但因為呢間好有水準 值得一試
出名之後一定大排長龍
細碗已經好夠兩個人飲一碗半左右
正宗既冬陰功湯 但唔算太辣 易入口
香料又足
點可以唔叫Pad Thai
店員仲好貼心叫我地一定要趁熱食左呢個金邊粉先
因為熱食係最好食 果然d粉好乾爽
條條分明 個醬甜甜酸酸好正
伴碟仲有花生碎同辣椒碎
鐘意加唔加都得 貼心
再黎就係呢碟咖哩大蝦啦啦
好香既咖哩味 唔辣 好香椰奶味
大蝦隻隻都好大、 又新鮮 爽口
好快成碟清哂 連伴碟都有心機過人
呢碟椰菜苗有得簡唔同煮法
本身見到有飛天炒 但又未試過
所以最後都係簡返馬拉盞煮法
有驚喜 味道剛好 唔會好似其他餐廳炒到好重口味
不過都係香口既
本身以為呢碟炒蜆會好辣因爲話係辣椒膏炒🌶️
點知又無喎 仲特別地好食
好香泰式香料 一定要叫呀呢碟
粒粒蜆都有肉 贊
不過個人就覺得呢碟魚味道開頭食味道有點淡
但後尾發現要煮佢耐d 加多d湯先會入味d
建議等佢煮耐d先好食呀
不過真係好新鮮 唔腥
叫到成台都係
好彩都食得哂 不過超級飽
原碟份量適中 不錯不錯
用環保物料既飲管
椰青好飲 健康之選呀
好難遇到間餐廳 咁好服務之余
每碟野食都做到咁出色
好多detail位睇得出係用心經營
覺得下次再去一定會大排長龍
