古今二 (The ONE)

Open Now

Now Closed

之前去過銅鑼灣分店食過覺得啲卷物好好食，今次去到尖沙咀店，裝修幾華麗，食物質素仍然咁好！🍴雜錦刺身沙律 $108顏色超級豐富，見到都好開胃，$100左右就有咁大兜都幾抵食，刺身有好幾款， 切成粒粒，撈埋沙律菜車厘茄同蟹籽好睇又好食！🍴超級龍捲風 $98全部卷都係即叫即整，呢個材料有炸蝦芝士青瓜等等，炸蝦香脆，加埋芝士幾特別，食落口感好豐富，每樣食材嘅味道都可以食得出！🍴櫻花蝦原條茄子燒 $88櫻花蝦香味濃郁，平時都少啲會食到日式燒茄子，茄子好入味。🍴鹿兒島黑豚荔枝串燒 $32第一次食加荔枝，冇諗過都幾夾！🍴黑豚豬頸肉串燒 $32豬頸肉口感彈牙！