五芳齋 (Closed)

今日午餐都唔知食咩好, 行左幾圈黎到food court, 見到個午餐都幾啱我口味, 就諗住試下啦. $52 有菜飯有野飲, 仲有埋甜品, 都算幾抵食。細細既砵仔載滿豬肉, 紅卜卜既南乳汁, 其實睇落有點驚, D汁似就咁撈埋D豬肉, 唔係咁入味, 不過D豬肉算軟腍, 味道倘可。砵仔產生保溫既作用, 豬肉食落口暖粒粒。大大碗菜飯, 唔油膩, 配上新鮮白菜仔粒, 齋食都好味, 大食的我, 最後都食唔晒碗飯。甜品我選左南瓜餅, 皮就林林地, 不過都算煙煙韌韌, 個餡紅豆沙黎, 甜味適中, 算唔錯。