Video
Read full review
2012-10-24
44 views
全個商場裝潢最好的一間食店, 加上屋村商場少有上海菜, 滿心期待. 開張以來一直人龍不絕, 更令人有錯覺誤抱期待.是日招呼親戚,5:30拎籌, 6:30 已聽到職員說晚市已全滿截籌了~有夠誇張的....d位好闊落, 4人卡位夠坐6人, 職員態度都算好~ 唯一係落單d staff都幾多係大陸口音, 佢地寫單時又好奇怪要寫(and 要你講)晒全個菜名, 又好似唔係幾聽得清/明你要d咩要重覆幾次咁, 所以落單好慢而且有落漏單情況.開頭真係成個氣氛環境都唔錯ga, 直到.....d 菜到時,就真係心一沉.1) 燻魚 ($38) - 一上枱, 忍唔住問侍應係唔係落錯單.因為呢度上嘅係, '糖醋魚柳' !!!!!! 係幾件白雪雪嘅魚柳肉, 完全冇燻/煎/炸過跡象, 再浸左係一大碟糖醋汁入面, 仲要超甜o個隻. 完全唔係o個回事, 侍應仲答佢地呢度整法唔同. 2) 鎮江餚肉 - 個樣睇落去對辦ga, 諗住鬆一口氣, 一食落口, 再趙多幾下, yee? 再趙多幾下試真d.....嘩~即 lur返出嚟. 好苦呀~!! 係~!奇怪地, 餚肉居然係好苦~!!! 苦到澀!! 呢個真係完全接受唔到, 叫經理取
是日招呼親戚,5:30拎籌, 6:30 已聽到職員說晚市已全滿截籌了~有夠誇張的....
d位好闊落, 4人卡位夠坐6人, 職員態度都算好~ 唯一係落單d staff都幾多係大陸口音, 佢地寫單時又好奇怪要寫(and 要你講)晒全個菜名, 又好似唔係幾聽得清/明你要d咩要重覆幾次咁, 所以落單好慢而且有落漏單情況.
開頭真係成個氣氛環境都唔錯ga, 直到.....d 菜到時,就真係心一沉.
1) 燻魚 ($38) - 一上枱, 忍唔住問侍應係唔係落錯單.因為呢度上嘅係, '糖醋魚柳' !!!!!! 係幾件白雪雪嘅魚柳肉, 完全冇燻/煎/炸過跡象, 再浸左係一大碟糖醋汁入面, 仲要超甜o個隻. 完全唔係o個回事, 侍應仲答佢地呢度整法唔同.
2) 鎮江餚肉 - 個樣睇落去對辦ga, 諗住鬆一口氣, 一食落口, 再趙多幾下, yee? 再趙多幾下試真d.....嘩~即 lur返出嚟. 好苦呀~!! 係~!奇怪地, 餚肉居然係好苦~!!! 苦到澀!! 呢個真係完全接受唔到, 叫經理取消. 佢都好有禮咁話ok, 轉頭仲返嚟同我地解釋廚師話呢個係陳皮味 我當然唔接受, 我未食過餚肉苦成咁, 就算真係陳皮,都應該係陳皮香, 咁苦都一係唔靚或係太過量, 甚至d豬肉本身可能有問題先要用咁濃味去蓋過佢. 總之整到入唔到口都係一個有問題嘅菜.
3) 小籠飽 - 特價 $8, 味道ok啦~ 皮唔夠薄有d硬肉汁有少少咁. 不過$8 真係冇咩可以挑剔.
4) 生煎飽 (~$20/3 ) - 飽底未煎脆, 色都未上咁劑. 餡係同小籠飽個餡差唔多. 一餡兩食咁lor. 呢個其實係蒸肉飽. 味道可接受lor.
5) 上海粗炒 ( ~$4x - 5x) - 份量偏少. 配料好少而且佢隻麵係偏幼身, 炒唔夠火喉咁所以碟野睇上去似一碟豉油撈麵多d. 食落去都係唔夠熱. 味道....經過前幾樣菜都已經冇期望叫做可接受啦~
6) 蔥油大餅 - 叫大餅 but其實只係細過一隻茶杯碟份量. hmmm~ 唔太差嘅, 只係入面蔥油唔香而且可能太濕令到個餅底煎左都係淋晒架lor. 蔥油餅, 點都係寧波同鄉會o個個最令人懷念.
7) 担担麵 ($20) - 細細碗. 不過again 經過之前幾道呢碗麵都已經叫'出乎意料'地對辦. 湯係偏稀, 不過麵質合格 + 湯底都叫有d 麻醬味又有d炸菜碎.
8) 生煎紅豆餅 ($28) - 終於最後有樣叫幾好味! 夠脆餡又足~!
其實因為開頭叫左炒麵同小盤之後就發覺唔對辦. 所以就算未食飽第二round order時已經唔想再叫佢d main dish叫麵/甜點, 反而比較ok. 等埋單時先見到佢包濕紙巾先知原來係叙福樓集團. 即刻恍然大悟咁. 唉~~一早知的話,絕對唔會對呢間野有咩過高期待.
只可以話,係屋村嚟講. 間中去食下上海小點係ok gei, 不過要等要排長龍, 絕對不值.
此店環境有用心打造過, 希望佢d食物遲d都可以有心改良下~
Post