茶餐廳2.0 (Closed)

年尾，公司要我哋清年假，所以今天放了一天假。今朝一早送完囡囡返學，便去食個靚早餐。 餐廳是新開張無幾耐，好好生意，一早就有咁多人食早餐。 職員招呼我去搭檯，一個人來食，無所謂啦。 叫咗個A餐沙嗲牛肉麵配煎蛋和熱奶茶，三十八蚊。雖然貴過連鎖快餐店，但係唔使排隊，仲有專人拎埋嘢俾你食，OK啦。 用手機上網睇下報紙，無幾耐，個靚早餐就到。 啲餐具幾特別，有毛主席個樣，唔通餐廳老闆係佢粉絲? 沙嗲牛肉麵都好大碗，牛肉都好腍，不過沙嗲略嫌唔夠重。 太陽蛋的邊係煎到脆的，好難得，在連鎖快餐店一定食唔到。 熱奶茶香夾滑，好飲! 搵晚得閒，帶埋囡囡來食早餐，又或者食晚餐都好喎。