Video
Read full review
2022-03-08
11 views
以花藝同共融為主題嘅特色cafe♥︎ 依到有唔少staff係聾啞人士﹑或有自閉症﹑輕度智障等，餐店支持佢地學習技能﹑係社會上搵到自己嘅定位，令依到嘅每一口食物都承載住比美食更重要嘅意義꒰( ˙ᵕ˙ )꒱〔推介！〕❝忌廉汁海蝦燴意粉❞ ($138)忌廉汁佈滿每條意大利麵但完全唔膩，對比起creamy type係傾向清爽嘅忌廉汁。海蝦四隻都大大隻，肉質彈牙，食得出用料新鮮。意粉軟硬度適中。附送嘅南瓜湯熱辣辣、南瓜甜味突出、有麵包粒增添口感，相當出色！❝金金菠蘿熱情果梳打❞ ($58)對酸甜口味嘅飲品無抵抗力～本身default嘅甜度已經係微甜（一般茶飲店嘅30%甜度左右），清爽有果肉，誠意十足。〔推介！〕❝熔岩石山❞ ($108)本身對吐司興趣不大，但依個朱古力漿調配得濃度甜度都剛好，加上中間有黑朱古力脆脆，仲附上一球雲呢拿雪糕，口感層次滿分！而且視覺效果夠澎湃，用黎打卡必定吸引眼球。友人點選嘅 ❝帕爾碼芝士野菌蕃茄乾米意粉（素）❞ ($128) 以及 ❝熱綠茶拿鐵❞ ($48) 同樣不俗，整體餐點有質素。疫情期間小店承受政府政策影響，要生存已經足夠困難，選擇係依個時勢繼續每日營業只係祈求
〔推介！〕❝忌廉汁海蝦燴意粉❞ ($138)
忌廉汁佈滿每條意大利麵但完全唔膩，對比起creamy type係傾向清爽嘅忌廉汁。海蝦四隻都大大隻，肉質彈牙，食得出用料新鮮。意粉軟硬度適中。附送嘅南瓜湯熱辣辣、南瓜甜味突出、有麵包粒增添口感，相當出色！
❝金金菠蘿熱情果梳打❞ ($58)對酸甜口味嘅飲品無抵抗力～本身default嘅甜度已經係微甜（一般茶飲店嘅30%甜度左右），清爽有果肉，誠意十足。
〔推介！〕❝熔岩石山❞ ($108)
本身對吐司興趣不大，但依個朱古力漿調配得濃度甜度都剛好，加上中間有黑朱古力脆脆，仲附上一球雲呢拿雪糕，口感層次滿分！而且視覺效果夠澎湃，用黎打卡必定吸引眼球。
友人點選嘅 ❝帕爾碼芝士野菌蕃茄乾米意粉（素）❞ ($128) 以及 ❝熱綠茶拿鐵❞ ($48) 同樣不俗，整體餐點有質素。
疫情期間小店承受政府政策影響，要生存已經足夠困難，選擇係依個時勢繼續每日營業只係祈求職員們唔需要擔心生計﹑可以好好過日子。大家外食嘅時候可以多多幫襯小店呀嗚。
𓂃𓈒 𓂂𓏸 用餐提示 𓏸𓂂 𓈒𓂃
老闆娘係前花藝師，整間店鋪由牆身到裝飾都係以花堆疊而成，仲設置咗好多打卡位。另外餐牌上有唔少蛋奶素及純素選擇，適合唔同素食模式人士享用，非常貼心。
❋ 可經openrice訂座
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐點味道 | ♥︎♥︎♥︎♥︎♥︎♥︎♥︎♥︎♡♡
抵食指數 | ♥︎♥︎♥︎♥︎♥︎♥︎♡♡♡♡
店舖環境 | ♥︎♥︎♥︎♥︎♥︎♥︎♥︎♥︎♥︎♡
用餐體驗 | ♥︎♥︎♥︎♥︎♥︎♥︎♥︎♥︎♥︎♡
推薦程度 | ♥︎♥︎♥︎♥︎♥︎♥︎♥︎♥︎♡♡
適合場景 | 四人或以下聚餐
Post
