孖啡 (Closed)

由朗豪坊往地鐵出口往尖沙咀方向行5分鐘就到，上到樓一出𨋢就見到孖啡招牌。進入店睇得出店主裝修好有心機，各種擺設，吊燈等，俾人感覺到好舒服。呢張餐牌係頭盤目錄，我同朋友叫左香蒜香酒蜆意大利粉同牛肝菌帆立貝野菌意大利飯。我地另外叫左小食特式拼盤同英式炸魷魚圈。小食種類吾算多，但啲食物都岩食。呢杯飲品叫塔，真係好大杯，結果我係飲吾晒，用沙冰製成士多啤梨味，可以一試。朋友就叫左呢杯-戰車，中間雪糕可以換吾同口味。呢個飯叫牛肝菌帆立貝野菌意大利飯，未食都聞到香噴噴味道，忍吾任食一啖，果然味道真係好香濃，食材料都好足夠，帆立貝好大隻，略嫌飯有點濕，飯既份量足夠兩人share, 但我比較食乾一啲既飯。香蒜香白酒蜆意大利粉，白酒味好濃，蜆數量好多，而且好新鮮，$122價錢吾貴。炸物份量夠，夠脆，如果食量吾大既人，建議叫一個小食好了，我地叫左2個係食吾晒囉。總結：旺角搵坐得舒服又吾催人走餐廳有啲難，孖啡真係坐得舒服，岩晒一大群朋友坐低閒聊既地方，我會再黎幫襯。