串燒咖啡 (Closed)

係旺角行街，唸住搵間cafe食下野，search到E間~「串燒咖啡」。地方比較難揾到，原來係「金太郎」隔離，因係樓上舖，地方細坐位比較少，訂位會較好！氣氛頗為熱鬧！！主要為年青人多。我地order咗：「白汁海鮮意粉」，E碟海鮮都好味！意粉軟硬度適中，唯一係個白汁比較杰，一涷咗感覺比較乾。塗上了醬料的「串燒」，上面有孜然粉，好惹味！略咸咗少少！味道都可以。（上至下）蝦、帶子、金菇牛肉卷、雞翼、魷魚串、雞軟骨。「焗金菇」好香牛油味！不錯！「柚子蜜菠籮揶子特飲」，不錯！「朱古力曲奇咖啡」，都可以。全店工作人少，所以出品比較慢，所以要耐心等待。老闆好nice. 待客態度不錯！總括而言，食物，尤其飲品都可以。全單價錢偏貴，有七折coupon會抵好多，可惜沒有準備。