Video
Read full review
2021-06-17
74 views
呢間urban cafe 我地都去過幾次，因為我同朋友都好鐘意貓貓 同埋啲野食質素都唔錯！ 今次又再去多次啦 我地都係叫左個二人套餐set 包左兩人餐湯/沙律/頭盤，一份主食，一粉意大利粉或飯同埋兩杯飲品~~~餐湯:南瓜粟米忌廉湯，有好足料既南瓜蓉，再加埋cream 好好飲～沙律少少一份食完好開胃～～ 我地仲加左$28 要個滋味2人小食拼盤，佢入面有炸薯角，唐揚雞塊，同埋法蘭克福腸。薯角雞塊都係即點即炸，熱辣辣脆卜卜，夠哂香口。而雞塊仍然保持肉汁。法蘭克福腸就細心將其切片，方便客人食用。主食：意式辣肉腸拉絲水牛芝士手工薄餅，餅皮厚薄均勻，表面鋪滿水牛芝士，咸香非常，加埋辣肉腸就令薄餅更加惹味。意大利粉：溫泉蛋煙肉野菌黃金卡邦尼扁意粉，意大利粉生熟度剛好，軟硬適中，醬汁亦能完全掛喺麵上，夠哂creamy ，加埋煙肉充滿油香，令意粉更加美味。飲品：我地加返差價upgrade做黑糖拿鐵同特濃鮮奶朱古力。前者係不含咖啡，不嗜咖啡嘅都可以一試。朱古力夠哂濃郁，甜度適中，啱哂我呢啲鍾情朱古力嘅人。同場加映唔同既貓貓～～～～
我地都係叫左個二人套餐
set 包左兩人餐湯/沙律/頭盤，一份主食，一粉意大利粉或飯同埋兩杯飲品~~~
餐湯:南瓜粟米忌廉湯，有好足料既南瓜蓉，再加埋cream 好好飲～
沙律少少一份食完好開胃～～
我地仲加左$28 要個滋味2人小食拼盤，佢入面有炸薯角，唐揚雞塊，同埋法蘭克福腸。
薯角雞塊都係即點即炸，熱辣辣脆卜卜，夠哂香口。而雞塊仍然保持肉汁。法蘭克福腸就細心將其切片，方便客人食用。
主食：意式辣肉腸拉絲水牛芝士手工薄餅，餅皮厚薄均勻，表面鋪滿水牛芝士，咸香非常，加埋辣肉腸就令薄餅更加惹味。
意大利粉：溫泉蛋煙肉野菌黃金卡邦尼扁意粉，意大利粉生熟度剛好，軟硬適中，醬汁亦能完全掛喺麵上，夠哂creamy ，加埋煙肉充滿油香，令意粉更加美味。
飲品：我地加返差價upgrade做黑糖拿鐵同特濃鮮奶朱古力。
前者係不含咖啡，不嗜咖啡嘅都可以一試。
朱古力夠哂濃郁，甜度適中，啱哂我呢啲鍾情朱古力嘅人。
同場加映唔同既貓貓～～～～
Post
