汀汀烤活魚 (Closed)

汀汀烤活魚呢間餐廳成日聽到個名，但係都未試過，今次朋友提出話想試吓，反正又未食過可以一試！餐廳喺兆萬隔離，地點好方便好易搵。今次book咗八點，可以慢慢食。重點，呢間可以無限任添雞煲！第一次試，揀咗做最平嘅套餐 $248/人 任食雞煲，食完雞煲可以打邊爐雞煲上得好快，上到黎炒多一陣帶出啲香料嘅香料，就食得。雞肉彈牙，好食。之後我哋就叫左個姬松茸什菌打邊爐，呢度啲野食全部都係用app自己點，叫左牛肉，豬肉，各種嘅蔬菜，呢度仲有啲台式熟食，例如鹽酥雞，估唔到嘅係啲熟食都唔錯，幾好食👍🏻今次無試到烤魚，下次要試埋佢先得！