FUFA Life

今日去咗荔枝角一間樓上文青氣息嘅cafe——「孵化生活」到晚餐，一參餐廳已經feel到有種悠閒慢活嘅氛圍。最好係呢度冇用餐時限，可以同朋友慢慢傾偈，而且餐廳主打少糖少鹽，啱晒追求健康嘅食客。

我哋叫咗兩個主食一個意粉及一份豬手。

先講吓個蟹肉蝦意粉，一上枱就聞到蒜香！四隻大蝦球爽口彈牙；蟹肉份量都絕唔吝嗇，同蘆筍、蘑菇同蕃茄仔炒埋一齊，意粉掛滿蒜香味之餘又唔會太膩。

至於個德國豬手，絕對係誠意之作！外皮烤得金黃香脆，切開時仲聽到「咔嚓」聲，但裡面嘅肉質依然保持嫩滑多汁。配埋黑醋沙律正好中和油膩感，另外仲有配埋幼薯條好香脆，呢個豬手嘅份量夠幾個人share。

餐廳環境舒服，店員服務唔錯，食物味道中上，都值得一試。