川熙樓 (Moved) New Location

平日一班朋友出去食飯食親都係西餐，韓國，日本料理，越南，泰國，台式，打邊爐，川菜只係試過一次咁大把，因為我覺得辣，最近朋友介紹一個食川菜嘅地方，賣相覺得啲菜式幾精緻，細細碟咁，所以就約埋啲食得辣嘅朋友去試下！位於尖沙嘴亞士厘道樓上川菜館"川熙樓"，位置都幾好，因為訂位關係，所以去到唔洗等，Menu係用Tablet，可以睇到各款菜式面貌，名稱，價錢等，食客可以自由點菜，選擇辣度，煮法，又可以check單，如果心多多唔知揀咩菜式，侍應們都會推介菜式作為參考。由於我哋人小嘅關係，所以菜式點得唔多，經推介後我哋點咗....滷水牛三寶（牛舌牛根牛肚）手撕雞椒麻鹽水蝦 - 青瓜粒墊底，配合新鮮肥美蝦仁，超好味水庫魚（水煮魚）- 魚片爽滑，加埋啲薯粉浸喺底，好入味辣湯薯粉 - 雖然味道辣過水煮魚，可以接受呀爬爬蝦（瀨尿蝦）- 啲香蒜粒炸到好香脆，瀨尿蝦好味絲瓜蕃茄湯 - 清清甜甜尾聲嚟杯飲品解解辣，我稱佢為"暖胃解辣花生汁"，味道有啲似花生糊，但係似荳漿嘅製法，暖暖地幾好飲幾舒服。下次會約多啲朋友再去試，因為仲有其他菜式今次食唔到，希望可以練到食勁辣都面不改容啦！