Read full review
2021-08-19
912 views
“Funky Monkey” 喺香港有總共有4間分店，以主打尼泊爾菜嘅餐廳嚟講都算多。尖沙咀分店鋪位位於酒吧林立嘅諾士佛臺，不過餐廳位置喺係一棟大廈裡面，都幾隱蔽㗎。踏入餐廳後好似進入咗另一個世界咁，人手猴子繪畫、多款特別嘅掛飾及設計，充滿著熱帶小島嘅氣氛。店內提供多種特調雞尾酒飲品及美食。我哋叫咗三份小食同埋兩款酒精飲品。雖然餐牌上寫住係”Snacks”，但食物上枱時發覺份量真係有驚喜喎。▫️Momo Platter (HKD168) - 店員同我哋講呢個係店內人氣菜式。餃子放喺一塊用藤製造嘅盤上面，連個食物罩都係用藤造㗎。呢份饃饃餃子拼盤總共有四款尼泊爾餃子，各款製法都唔同 - 香辣、煎、蒸、炸。一次過試晒咁有特色嘅餃子。最吸引我哋嘅係香辣餃子，用來送酒就啱晒。▫️Shekuwa (HKD75) - 正宗風味尼泊爾燒肉 (可以揀雞肉或豬肉) 用嘅香料係嚟自尼泊爾，用烤焗嘅煮法將肉類嘅鮮味散發出嚟。沾上特製醬汁一齊食零舍惹味。▫️Spaphale (HKD68) - 一份大大嘅炸酥餅切開四件，餡料超多將個酥餅塞到滿滿，勁吸引🤤“Funky Monkey”嘅Drink menu 嘅頁數多過
店內提供多種特調雞尾酒飲品及美食。我哋叫咗三份小食同埋兩款酒精飲品。雖然餐牌上寫住係”Snacks”，但食物上枱時發覺份量真係有驚喜喎。
▫️Momo Platter (HKD168) - 店員同我哋講呢個係店內人氣菜式。餃子放喺一塊用藤製造嘅盤上面，連個食物罩都係用藤造㗎。呢份饃饃餃子拼盤總共有四款尼泊爾餃子，各款製法都唔同 - 香辣、煎、蒸、炸。一次過試晒咁有特色嘅餃子。最吸引我哋嘅係香辣餃子，用來送酒就啱晒。
▫️Shekuwa (HKD75) - 正宗風味尼泊爾燒肉 (可以揀雞肉或豬肉) 用嘅香料係嚟自尼泊爾，用烤焗嘅煮法將肉類嘅鮮味散發出嚟。沾上特製醬汁一齊食零舍惹味。
▫️Spaphale (HKD68) - 一份大大嘅炸酥餅切開四件，餡料超多將個酥餅塞到滿滿，勁吸引🤤
“Funky Monkey”嘅Drink menu 嘅頁數多過Snacks menu😂😂
▫️Flaming Monkey (HKD128) - 冇諗過叫杯酒飲會有表演睇😱火焰熊熊，連隔離枱嘅顧客都忍唔住拎個手機出嚟影相！飲品由多款朗姆酒調製，味道都幾濃烈。
▫️Soultini (HKD108) - 呢杯雞尾酒混入vodka同埋果汁，上面層白色泡泡係用蛋白打成。味道比較容易入口，我覺得女仔會鍾意飲呢杯酒多啲。
Post
