去到見到餐廳的裝修都好和風的感覺 有用心參考日本的居酒屋風格 真係令到我有一種去左日本的感覺
食物質素方面 我覺得係中上的水準
壽司: 魚生食落口完全無任何雪味 咬開亦無根 十分新鮮
天婦羅: 分別係茄子天婦羅和南瓜天婦羅 兩者都炸得十分脆口 食落並沒有油膩感 配上海鹽 味道更突出
東洋卷: 呢個我真係覺得最好食 用左pancake皮去包住蟹籽 牛油果同鰻魚 三樣材料配埋真係好夾
海鮮蕃茄意大利飯: 呢個飯海鮮份量十足 而且蕃茄味濃 飯粒亦軟硬適中
西京燒銀鱈魚: 銀鱈魚煎得皮脆肉嫩 魚肉咬落仲好juicy 配菜的炒雜菇亦好好味
飲品: 兩杯飲品都令人有一種清爽的感覺 我自己比教喜歡柚子梳打
