汀汀烤活魚 (Closed)

汀汀烤活魚喺旺角都好多年之前仲有間喺染布房街 最近又喺百寶利原址重開仲變到好型格添 可以邊食邊打卡小龍蝦雞煲本身一心諗住嚟食烤魚 但朋友見到有小龍蝦又轉軚😂我地揀左小辣 辣度啱啱好夠晒惹味有半隻雞份量再加好多小龍蝦紫洋蔥索晒啲汁超正食完雞煲就加湯打邊爐叫左幾樣配料都唔貴 芋絲係我雞煲嘅必食配料黑豚肉薄薄地 肉質軟滑爽口黃金墨魚餅必食推介 一定要叫呀墨魚餅超彈牙 仲有墨魚粒粒好有口感好足料涼拌青瓜超多蒜蓉 但唔算重口味 反而食食下雞煲食番幾粒青瓜幾清爽新鮮八仙果水果茶大大杯 入面有西瓜火龍果橙同桔仔酸酸甜甜好清新 食烤魚雞煲飲佢就啱晒啦