部屋咖啡室

旺角有好多樓上cafe，今日去呢間係朋友仔話可以坐耐啲又有board game玩，嘢食都好唔錯，所以帶我上去。 我哋點咗個二人餐，$358包括：小食--炸蟹餅。食落有啲似炸丸嘅感覺，點泰式酸甜醬。 pizza--西西里pizza，有驚喜，一啲都唔hea，餅底有咬口，仲有兩種腸同火箭菜，推薦大家食呢款pizza。 意粉--香辣虎蝦海鮮意粉，意粉汁都好濃郁，酸酸甜甜又帶點微辣，味道唔錯。 另外每杯加$22，點咗綠茶紅豆奶茶同埋翡翠朱古力碎雪芭。兩杯都唔會太甜，幾好飲。