六合小廚 (Closed)

經過尖沙咀既apple store行左一陣見都有少少肚餓就同朋友趁住假日未到晚飯既高峰時間就先食個早飯.經過旁邊既大廈,比較偏好中餐既朋友見到呢間六合小廚就上左去試試.蜜椒土豆牛腩粒,份量好大份,而且每粒薯仔粒都輕輕炸過見到薯邊都帶點微焦已經好吸引.薯仔同牛腩面上都帶點蜜餞感覺,入口好香蜜糖味先甜後鹹,後帶黑椒微辛口感.薯仔質感夠粉薯味香,牛腩入口軟腍一層層牛腩肉十分入味.避風塘茄子落足炸蒜同辣椒去炸,茄子件件都好大,外炸皮多薄身得黎炸得乾脆,入口茄子香滑又夠甜,配上避風塘爆香辣辣地好惹味.秘制口水雞充滿辣油既麻辣香,秘制口水汁滲晒入雞肉內好入味,辣得黎又唔會過鹹.雞肉唔會鞋口.