鴻星中菜 (源成中心) (Closed)

難得屋企人又有休息，叮叮又唔介意，就一齊飲茶睇戲啦！觀塘有好多茶樓，本身都有猶豫邊間。但最後簡左鴻星，係因為細細個都成日飲，而且對佢地既食物都有信心。 首先我係一定要食燒賣，係我最鍾意既點心。見到依到可以半籠咁叫，非常好呀。我覺得依間係我食過最好食既燒賣，因為我唔太鍾意食蝦。哈哈！ 蛋煎糯米雞一話鴻星早茶，我會諗起蛋煎糯米雞同埋甜品小白兔，雖然個糯米雞差左，但叫做食番個情意結。 魚翅灌湯餃叫做有Ｄ湯飲下，我覺得個餡料冇以前咁好，調味都重手左。 紅棗糕又唔會太甜，不過口感實左少少。 馬拉糕明顯用左黑糖，唔係到到有得食。 箭豬包可愛點心不嬲係鴻星既賣點之一，雖然唔係流心奶皇，但佢係炸饅頭既餡料，我又幾受落咖。 另外值得一讚係依度用茶包，唔會唔夠味，又唔會飲到茶葉。不過服務可以好啲，就好似沙律明蝦角冇沙律醬，而且又有少少漏單。最後仲要我自己出去叫埋單。食完嘆埋靚茶就去睇戲，咁樣真係好悠閒又開心，最緊要身邊有你陪我去經歷依一切一切。