小火焰韓式咖啡廳 (樂富廣場A區) (Closed)

呢次嚟到樂富附近行街，見到呢間小火焰韓式咖啡廳嘅食物好吸引，所以決定入去一試究竟。前菜三小碟：分別有傳統泡菜、韓味甜蘿蔔、冰梅有機甜番茄，是一個很好的開胃菜，口感清新，讓人胃口大開。薄烤牛肉野菌沙律：牛肉火候控制得宜，沙律配料夠哂清新，加埋野菌獨特嘅香味，口感非常好。韓式甜辣年糕炸雞：炸雞炸得好香脆，雞肉仍能保持嫩滑多汁，而年糕口感煙韌，加埋惹味嘅韓式的甜辣醬汁，非常開胃。韓式蟹籽卷蛋：卷蛋口感嫩滑，好有蛋香味，而表面有好多蟹籽同埋沙律醬，令味道口感都好豐富。韓燒豬頸肉：肉質非常鮮嫩多汁，加埋韓式醬汁令豬頸肉味道更豐富。Combo醬油配手握紫菜飯：入面有兩隻醬油鮮蝦同埋兩隻鮑魚，配埋手握紫菜飯團，令人食完後心滿意足。