梨滿園韓國料理 (Closed)

今日去樂富打波，打完波之後當然要去搵食，但係商場正在裝修緊，行吓行吓見到原來頂樓繼續營業緊，餐廳原來全部喺晒頂樓，見到有一間韓國餐廳好多人喎，睇落又坐得幾舒服，座位之間唔會好迫。坐低咗點埋菜點咗雞肉炒辛辣麵。先上前菜，泡菜同芽菜都好新鮮爽口。雞肉炒辛辣麵有好多配料：金菇，紅蘿蔔，洋蔥，甘筍，娃娃菜，雞肉份量唔少，味道方面唔算太辣，麵身都炒得乾爽，口感唔錯。平時成日都會喺附近打波，呢度性價比好高，值得再黎試下。