瑞士咖啡室 (Closed)

去到樂富逛日資百貨公司，又係時候來個下午茶，歇一歇。《男人浪漫》這個餐的名字好有趣，就讓我感受下男士們吃這個餐的浪漫。豬扒腸仔福字麵，配火腿奄列，熱狗/菠蘿油，一個好豐富午餐/茶餐。豬扒腸仔麵~有骨豬扒放面，完全遮蓋下面的麵，建議放奄列碟上用刀叉享用更方便。火腿奄列及熱狗~潛艇熱狗好大隻，芝麻包好香口，長長香腸夾住生菜蕃茄沙律醬，被阿女吃了大半。意式泡沫咖啡(凍)~原來可以選凍的，泡沫香濃，不會太甜，大大杯慢慢歎。阿女點了個肉丁火腿通粉~辣辣肉丁好夠味，材料份量好足。凍檸茶(少冰)~檸檬算是厚切，阿女話三片檸檬好夠酸。餐廳有自家製麵包~菠蘿包、朱仔包、叉燒餐包等。忍唔住叫咗個蛋撻，熱辣辣出爐，堂食都係$5個。這店有個偏廳，有圓枱，晚上一家大細老少咸宜，小菜都好抵食。