JOY Daikiya Japanese Restaurant

聽朋友講樂天嘅放題都唔錯，終於揾到機會試下！😝 呢度嘅坐位都幾闊落，飲品吧同小食就需要行去另一邊，選擇都好多，嘢食未黎之前可以去explore下，又可以醫下胃先！

.
呢度嘅炙燒壽司系列最得我地歡心：芝士蟹柳配上沙律醬簡單又開胃；三文魚腩鮮香又軟熟；左口魚添上焦香更滋味😆👍🏻 我地都忍唔住encore咗一次！

.
而卷物賣相靚之餘，亦都好好味！牛油果軟殼蟹呢個配搭幾清新，口感豐富；芝士鰻魚卷有比較濃味，芝士嘅鹹香同鰻魚汁嘅甜味配合得宜。

.
其他嘅壽司味道都相當不俗！手卷食材亦都好新鮮，細細個，唔驚食滯👻

.
天婦羅、炸物嘅炸粉唔厚，絕對值得一試㗎❤️ 芝麻雞翼香脆之餘又保持肉汁，特別推介啊😆

.
串燒、烤焗類就係惹味之選，趁熱食正呀！