糖糛

Open Now

Now Closed

食完飯準備落樓散散步，突然之間好想食甜品，見到呢間舖頭嘅裝修幾靚就入咗嚟。一入到嚟店員非常熱情同主動咁招呼我哋坐低，向我哋推介咗幾款佢哋舖頭嘅招牌甜品，我本身係榴槤控超級鍾意食榴槤，就叫咗佢哋必食嘅特純榴槤冰，一啖食落去超級驚喜佢有一大嚿榴槤肉喺最面頭，真係啖啖肉而唔係平時食開嗰啲打爛咗嘅榴槤蓉，而且佢嘅榴槤冰唔會成口都係冰渣，你只係會食到唔同口感同層次嘅榴槤，入邊仲加咗少少其他配料，榴槤味超級超級重，好正！另外要大贊嘅就係佢個燉湯，好驚喜地原來有跟飯一齊上，我試咗用少少燉湯嚟撈飯，佢個湯火候好足，而且燉得好入味，烏雞肉都燉到冧晒，落咗好多料落去煲，熱辣辣好好飲。