伊太屋 (Closed)

到了天后覓食，開左好多唔同既特式店鋪！見到這間 ita meshi係日式西式 fusion, 見 menu價錢都唔貴！所以入左去！比特式牆吸引了！ 非常有art既感覺！西柚梳打賣相幾靚仔，微酸帶清新感，陣陣既西柚氣滲出！非常解渴。冰河流心芝士西瓜扒賣相夠哂正又特別！難怪店員推介！burrata芝士放上冰涼嘅西瓜，味道唔會膩！一凍一熱個感覺非常之醒神，醋汁同埋日本青菜味道百感交集！香燒原隻北海道帶子配魚子醬，醬汁用咗薯蓉質感打到非常之有細！口感軟滑，上面再加咗泡泡，重點就係嗰個香燒完隻北海道帶子非常之大隻！煎香後再補上魚子醬，真係滋味無窮！爽脆嘅魚子醬再加q彈嘅帶子，再加入口即溶嘅薯蓉真係百感交集黃金流沙鹹蛋黃脆雞翼， 全部都係單骨雞翼，非常方便易食，鹹蛋黃嘅味道非常突出但又唔會過份咸， 雞翼嘅炸醬非常之薄又香又脆！ 再配上沙律醬更加好味。蟹膏茄汁黃金軟殼蟹有機意粉，大大隻夠哂份量既軟殼蟹佔了碟不少位置！質感香脆甘香！意大利粉既質感相當好，煙煙靭靭！ 而番茄醬嘅醬汁非常濃厚，掛汁一流！好好食！