Video
Read full review
2018-01-30
235 views
人生總會遇上幾個怪朋友，我就有個朋友叫「放題王」，不斷四處搜羅各間新舊場，每星期都會最少食一次自助餐或放題，就算冇人陪佢食，自己一個都會去食，仲要自拍啲扮俾人餵食或乾杯相片，深夜喺IG放毒，好攪笑! 小妹實在胃納有限，未能每次應約，但偶爾奉陪吓都可以嘅。呢個場位處尖東，都幾方便。一入嚟，第一個印象就係地方大! 個場真係好大，空間感足，座位闊落。出面有自助區，主要係甜品同飲品。飲品選擇好多，冷、熱、常溫飲品都有齊。連酒精飲品都有︰亦有沙律吧同凍海鮮：Order紙有十張，中英對照仲有啲相應圖片，但當中有五張係卷物同壽司，好多飽肚野。刺身當然唔少得，食左幾款都唔錯，冇乜雪味，連松葉蟹腳都有。最好食係北海道帶子，唔係大粒，但潤澤彈牙。大赤蝦幾大隻，甜同膠質重，有口感。壽司同卷物只係食左幾款，飽肚兼味道麻麻。有乳豬食，師傅即切，不過就要排隊拎，秩序還可以，你講幾多人就會按人數俾相對份量，一個人可以拎埋其他人嗰份。兩人份量係四片，攞到埋位只係微暖，但就酥化脆口。最驚喜係蒜片牛柳粒同和牛薄燒，一般放題啲牛都做得麻麻，但呢兩個係有牛味之餘仲好腍滑同惹味。燒物 - 牛舌係硬到咬唔到，蝦就大隻彈牙。朋友反
呢個場位處尖東，都幾方便。一入嚟，第一個印象就係地方大! 個場真係好大，空間感足，座位闊落。
出面有自助區，主要係甜品同飲品。
飲品選擇好多，冷、熱、常溫飲品都有齊。
連酒精飲品都有︰
亦有沙律吧同凍海鮮：
Order紙有十張，中英對照仲有啲相應圖片，但當中有五張係卷物同壽司，好多飽肚野。
刺身當然唔少得，食左幾款都唔錯，冇乜雪味，連松葉蟹腳都有。最好食係北海道帶子，唔係大粒，但潤澤彈牙。大赤蝦幾大隻，甜同膠質重，有口感。
壽司同卷物只係食左幾款，飽肚兼味道麻麻。
有乳豬食，師傅即切，不過就要排隊拎，秩序還可以，你講幾多人就會按人數俾相對份量，一個人可以拎埋其他人嗰份。兩人份量係四片，攞到埋位只係微暖，但就酥化脆口。
最驚喜係蒜片牛柳粒同和牛薄燒，一般放題啲牛都做得麻麻，但呢兩個係有牛味之餘仲好腍滑同惹味。
燒物 - 牛舌係硬到咬唔到，蝦就大隻彈牙。朋友反而最鍾意脆肉瓜，encore左兩次。
如果鍾意海鮮，帆立貝北海燒係必食，大隻之餘仲好厚肉，加埋個醬酸酸甜甜，真係好食!
炸物 - 炸蝦肉質係彈牙，但外皮係軟身唔夠脆。炸蠔炸雞翼夠熱又好食，即時叫多一轉。
甜品試左四款都係唔好食，好失望。
最後當然要食埋個雪糕，回本之選，質素一定得! 有兩大品牌，可惜係冇REFILL，最後冇晒朱古力味呀。另外個哈記雪糕餐廳標註係朱古力曲奇，但其實係Cookies & cream，餐廳要更正返啦!
呢度勝在地方夠大，中途出去行多幾轉，郁動吓，可以增強戰鬥力!
Post
