Video
Read full review
2018-03-17
23 views
落旺角搵食真係有太多選擇，今晚就同老公走去兆萬中心睇下有咩食，發現淨係日式放題都有成起碼4間，仲有火鍋店。我地見呢間極上帝王水產個名咁勁，一於就試下佢！每人二百以內任飲任食，一睇落單紙，由A至S咁多款，單係逐張攞黎睇有咩食已經花左陣時間，刺身、壽司（仲要分左手握、黑松露、炙燒等款式）、軍艦、手卷、炸物、爐端燒、料理等等都有齊，仲有泰國菜同西式系列，花多眼亂。不過食得日本放題，我梗係專攻刺身啦！飲品櫃同甜品櫃第一盤刺身，我地點左三文魚、北寄貝、虎蝦、帶子、赤蝦、榮螺。三文魚厚身，食落有魚味，唔會一陣雪味；北寄貝同榮螺食到甜味，好爽口；最鍾意係帶子，幾大粒，好滑，又甜😋虎蝦同赤蝦肉質都爽口，如果再大隻d就好喇～不過呢個價錢來講，真係唔錯喇！壽司款式多到不得了！佢最好嘅一點就係壽司飯細細舊，咁你就可以試多幾款，都唔會太滯👍🏻我地試左火炙鹽燒三文魚腩壽司、火炙沙律三文魚腩壽司、火炙芝士醬大蝦壽司、火炙海膽玻璃蝦壽司。燒三文魚腩真係好肥美，魚油滲入壽司飯中，好香。黑松露壽司方面，我地點左黑松露帶子、黑松露車海老同黑松露油甘魚。黑松露味好重，齒頰留香。仲有芝士鰻魚卷、汁燒A5和牛卷、牛油果軟殼蟹卷
每人二百以內任飲任食，一睇落單紙，由A至S咁多款，單係逐張攞黎睇有咩食已經花左陣時間，刺身、壽司（仲要分左手握、黑松露、炙燒等款式）、軍艦、手卷、炸物、爐端燒、料理等等都有齊，仲有泰國菜同西式系列，花多眼亂。不過食得日本放題，我梗係專攻刺身啦！
飲品櫃同甜品櫃
第一盤刺身，我地點左三文魚、北寄貝、虎蝦、帶子、赤蝦、榮螺。三文魚厚身，食落有魚味，唔會一陣雪味；北寄貝同榮螺食到甜味，好爽口；最鍾意係帶子，幾大粒，好滑，又甜😋虎蝦同赤蝦肉質都爽口，如果再大隻d就好喇～不過呢個價錢來講，真係唔錯喇！
壽司款式多到不得了！佢最好嘅一點就係壽司飯細細舊，咁你就可以試多幾款，都唔會太滯👍🏻
我地試左火炙鹽燒三文魚腩壽司、火炙沙律三文魚腩壽司、火炙芝士醬大蝦壽司、火炙海膽玻璃蝦壽司。燒三文魚腩真係好肥美，魚油滲入壽司飯中，好香。
黑松露壽司方面，我地點左黑松露帶子、黑松露車海老同黑松露油甘魚。黑松露味好重，齒頰留香。
仲有芝士鰻魚卷、汁燒A5和牛卷、牛油果軟殼蟹卷，都係的的骰骰，可以多試幾款。我最鍾意牛油果軟殼蟹卷，牛油果大大塊，軟殼蟹仲脆😋
另一亮點係蟹粥！好甜好香蟹味，碗碗都有大大舊蟹。
燒三文魚骨腩、燒鯖魚，鯖魚燒完唔會乾，仲好滑，有豐富魚油👍🏻
仲有呢個入座即送嘅日式和牛壽喜燒鍋。
老公真係大胃王，食左兩碗蟹粥之後仲食得落叉燒烏冬⋯好香麻油味。
炸牛奶同炸榴連球。炸牛奶入面唔算多餡，榴連球入面d榴連肉好香，好甜。
黃金燒日本廣島蠔、芝士龍蝦黃金沙律船、鹽燒牛舌、香草燒羊架，都好有質素👍🏻
特別一提，侍應服務態度都好好，好有禮貌。我睇過d食評話甩單好嚴重，所以侍應都走來問過兩三次我地點嘅野齊唔齊，我今次又真係冇甩過單。
Post
