牛川日本和牛專門店 (Closed)

唔係講笑，尋日食左間食過返尋味嘅A5和牛放題，又平又抵食！ 400幾蚊任食兩粒鐘食A5和牛燒烤，除左個爐既火力覺得唔算好猛，其他都💯好滿意。。地址係銅鑼灣黃金地帶，地鐵出左3分鐘內到，唔係有人派傳單都唔知（可能新開無耐？），價錢$458/人，全間鋪最貴個餐都係4百幾，如果要任飲生啤/清酒就另加錢啦！。例牌呢啲任食放題都會先上幾樣野，等你醫飽個肚，不過好彩佢份量都正常，唔會一次塞飽你，有幾樣前菜咁，包括：和牛沙律、海鮮拼盤、日本A5和牛拼盤、和牛美人玉子。A5和牛拼盤賣相就幾唔錯，黎食任食，當然第一時間食左個和牛，種類好多，但最好食既我覺得係「牛肩胛」、「和牛牛小排」同「牛頸脊」，食開和牛既一食就知咩料，油花爆晒，咬落係即溶，溶化落口個種。自己去一田買都幾百蚊一塊個啲。。除左牛之外，其他野食都幾有誠意，好似飲品就自己任拎、炸物即叫即炸（因為都要等一段時間）、壽司類比放題好食、其他燒肉類既肉就不過不失（都係和牛正啲）、雪糕一人一杯。。其實4個人食仲抵食，佢做緊個promote，四人同行送龍蝦刺身，早講我就叫多兩個人黎食啦😭😭。