芝加哥串燒 (美豐花園) (Closed)

這個時段是宵夜時段，很多餐廳都準備關門，但是我們又很肚餓，唔知道可以去邊度食好，經過一間串燒酒場，我哋滿心歡喜終於可以醫下肚子。喺門口已經聞到好香嘅燒串燒味道，慶幸咁凍嘅天氣門口有暖爐，就算好大風都唔會太凍。朋友先點了一杯啤酒，我就揀選了一支Apple Cider ，有青蘋果🍏帶一點甜的味道，比較易入口。見到隔離枱食得咁滋味，我哋忍唔住都叫咗幾款燒食物。當中碳燒西冷牛扒一大塊配以牛肉汁，切成小件，食落口質感軟林林，牛肉味道濃郁，唔使點醬汁已經好入味。還有我最鍾意嘅羊架，真係即叫即燒，外皮帶一點脆口，咬一啖羊肉汁滲透出來，一啲都唔騷，反而係好好食！還有招牌茄子、脆口嘅雞扒、好香嘅雞翼同埋燒韭菜，同樣地新鮮美味！喺大埔好難得有一間串燒店，食物質素好、坐得舒適，而且最有同感嘅係酒場內播放嘅歌曲令回想起一點以往嘅回憶，所以最近經常幫襯呢一間小店！